“أسفين يا ريس” على فيس بوك يقدم ملخص تسريب فضائح تسجيلات البرادعي!!

“أسفين يا ريس” على فيس بوك يقدم ملخص تسريب فضائح تسجيلات البرادعي!!
 تواصل اجتماعى:

يرى عاصم ابو الخير مدير حملة أسفين يا ريس فى تحليلة لتسريبات البرادعى عدة نقاط..نذكرها من نصر كلامة..

أولا : البرادعي بيؤكد كل كلمة قالها الرئيس مبارك عن القوي اللي هتنقض علي متطلبات الشباب وتسرق مجهودهم لاهداف شخصية واجندات اجنبيه !!

ثانيا : كلام البرادعي مع سامي عنان عن مطالب النكسجية في الميدان بيؤكد ان البلد كانت بتدار من شوية عيال بيأمرو وينهوا ويفرضوا اوامرهم علي المجلس العسكري !!

ثالثا : تصريح البرادعي بإنه بياكل عيش علي قفي محاضرات الديمقراطية اللي بيديها علي حس الربيع العربي اكبر دليل علي المخطط المرسوم وان البرادعي زي ما قولنا كان بينفذه علي ارض الواقع !!

رابعا : التعالي في الكلام وانه بيستحمر كل الناس وكلهم مبيفهموش وهو بس اللي بيفهم ده اكبر دليل علي انه حمار كبير وان جايزة نوبل كانت لتكريمه علي حموريته وخيانته.

خامسا : البرادعي بشتيمته للثورجية والنخبه والجيش والاخوان والاعلاميين والصحفيين بيفكرني بجملة قالها الفريق شفيق الراجل ده بيكره نفسه ومبيفهمش اي حاجه في البلد دي واستبعاد نظام مبارك ليه مكنش من فراغ !!

سادسا : البرادعي فضح النكسجية وفضح الاجتماعات اللي كانت بتتعمل من اجل تقسيم التركة وفضح قد ايه مصر كان بيتلعب بيها من شوية عيال بيكرهوا بعض ومستعدين يفضحوا بعض المهم يمسكوا منصب يا اما خراب البلد !!

واخيرا ،، كل الاسامي اللي ذكرهم البرادعي بما فيهم البرادعي وغيرهم كتير ، اتفضحوا واتكشفوا للشعب ، وده حق الرئيس مبارك وعدل الله.

Comments

comments

أخبار ذات صله